21.05.2026 | 20:28
«Վերջին զանգի» միջոցառումներով պայմանավորված՝ Ոստիկանությունը ուժեղացված ծառայություն կիրականացնի
Նյու Յորքում ոստիկանությունը կանգնեցրել Է Մակրոնի ավտոշարասյունը․ Ֆրանսիայի նախագահը զանգահարել է Թրամփին․ ՏԵՍԱՆՅՈՒԹ
Քաղաքականություն
23.09.2025 | 13:37
ՄԱԿ-ի կենտրոնակայանում ունեցած ելույթից հետո ամերիկյան ոստիկանությունը խոչընդոտել է ՄԱԿ-ի շենքը լքող Ֆրանսիայի նախագահ Էմանունել Մակրոնի ավտոշարասյանը՝ ԱՄՆ նախագահ Դոնալդ Թրամփի ավտոշարասյան անցման պատճառով, հաղորդում է ֆրանսիական bfmtv-ն։
«Ներեցեք, պարո՛ն նախագահ, այս պահին ամեն ինչ փակ է»,- սոցիալական ցանցերում հրապարակված կադրերի համաձայն՝ նրան ասել է ոստիկանը։
Այս անսովոր իրավիճակում Էմանուել Մակրոնը զանգահարել ամերիկացի գործընկերոջը՝ այն կարգավորելու փորձ կատարելու համար։
«Գուշակեք՝ ես հիմա փողոցում եմ սպասում, որովհետև ամեն ինչ փակ է ձեզ համար»,- ասել է Մակրոնը։
Մի քանի րոպե սպասելուց հետո փողոցը բացվել է, բայց միայն հետիոտնի համար։ Սա հարկադրել է Ֆրանսիայի նախագահին Դոնալդ Թրամփի հետ զրույցը շարունակել փողոցում կանգնած՝ փորձելով ոտքով հասնել Ֆրանսիայի դեսպանատուն։
Թարգմանությունը՝ Էմմա Չոբանյանի
