10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Նիկոլ Փաշինյանը ելույթ կունենա ԵԽԽՎ աշնանային նստաշրջանում
Քաղաքականություն
23.09.2025 | 12:55
ՀՀ վարչապետ Նիկոլ Փաշինյանը ելույթ է ունենալու ԵԽԽՎ աշնանային նստաշրջանում, որը տեղի կունենա Ստրասբուրգում 2025 թվականի սեպտեմբերի 29-ից հոկտեմբերի 3-ը։ ԵԽԽՎ հաղորդագրության համաձայն՝ Եվրոպայի խորհրդի խորհրդարանական վեհաժողովի (ԵԽԽՎ) աշնանային նստաշրջանի օրակարգում են Գազայի հատվածի լրագրողների կյանքի պաշտպանության և Ռուսաստանի Դաշնության կողմից գերի վերցված ուկրաինացի լրագրողներին ազատ արձակելու ջանքերը ակտիվացնելու անհրաժեշտության վերաբերյալ քննարկումները։
Նշվում է, որ վեհաժողովին ելույթ են ունենալու Մալթայի նախագահ Միրիամ Սպիտերի Դեբոնոն, Մալթայի փոխվարչապետ, արտաքին գործերի և զբոսաշրջության նախարար, Նախարարների կոմիտեի նախագահ Իան Բորգը, ինչպես նաև ՀՀ վարչապետ Նիկոլ Փաշինյանը։
Ղազախստանի Սենատի նախագահ Մաուլեն Աշիմբաևը նույնպես ելույթ կունենա խորհրդարանականների առջև՝ Ղազախստանին և նրա ժողովրդավարական բարեփոխումներին վեհաժողովի աջակցության վերաբերյալ քննարկման ժամանակ:
Եվրոպայի խորհրդի գլխավոր քարտուղար Ալեն Բերսեն հարց ու պատասխանի նիստ կանցկացնի։
Նստաշրջանի ընթացքում վեհաժողովը կընտրի գլխավոր քարտուղարի հաջորդ հինգ տարիների համար։
Թարգմանությունը՝ Էմմա Չոբանյանի
