04.04.2026 | 14:08
«Արցախը Հայաստան է և վերջ» ասելով հանձնեցին Արցախը. Սերժ Սարգսյան. ՏԵՍԱՆՅՈՒԹ
Բայրամովը Գերմանիայի ԱԳ նախարարի հետ ՀՀ-Ադրբեջան կարգավորման գործընթացն է քննարկել
Քաղաքականություն
23.09.2025 | 12:20
Ադրբեջանի և Գերմանիայի ԱԳ նախարարները քննարկել են երկկողմ հարաբերությունները և Հայաստանի հետ հարաբերությունների կարգավորման գործընթացը։ Ադրբեջանի արտաքին գործերի նախարար Ջեյհուն Բայրամովը ՄԱԿ-ի Գլխավոր վեհաժողովի 80-րդ նստաշրջանի բարձր մակարդակի շաբաթվա շրջանակում հանդիպել է Գերմանիայի արտաքին գործերի նախարար Յոհան Դավիդ Վադեֆուլի հետ։
Ադրբեջանական կողմի փոխանցմամբ՝ հանդիպմանը քննարկվել են ադրբեջանա-գերմանական հարաբերությունների ներկա վիճակը և հեռանկարները, Ադրբեջանի և Հայաստանի միջև կարգավորման գործընթացը, այդ թվում՝ Վաշինգտոնում կայացած պատմական գագաթնաժողովը։
Կողմերը նաև մտքեր են փոխանակել փոխադարձ հետաքրքրություն ներկայացնող տարածաշրջանային և միջազգային հարցերի շուրջ։
Հավելենք, որ ավելի վաղ Բայրամովը Հայաստանի հետ խաղաղության գործընթացը քննարկել էր ԵՄ դիվանագիտության ղեկավար Կայա Կալլասի հետ։
Թարգմանությունը՝ Էմմա Չոբանյանի
