05.07.2026 | 16:43
Կրեմլը մանրամասներ է հայտնել Պուտինի և Թրամփի հեռախոսազրույցի բովանդակությունից
Ես մերժում եմ «պոլի փետ լինի՝ մերը լինի» տրամաբանությունը․ Փաշինյանը՝ Կառավարության կադրային քաղաքականության մասին․ ՏԵՍԱՆՅՈՒԹ
Քաղաքականություն
24.10.2018 | 11:54
Վարչապետի պաշտոնակատար Նիկոլ Փաշինյանն ընդունում է, որ Կառավարությունն անթերի չի աշխատել, սխալներ գործել է և գործելու է, սակայն հիշեցնում է՝ այն ինչ արել է իր թիմը՝ աննախադեպ է։
Այս մասին այսօր Ազգային ժողովում ասաց վարչապետի պաշտոնակատարը՝ ի պատասխան «Ծառուկյան» խմբակցության պատգամավոր Տիգրան Ուրիխանյանի հարցադրման՝ ընդունո՞ւմ է արդյոք, որ նոր Կառավարությունն այս ամիսների ընթացքում մի շարք սխալներ է գործել։
«Ես մերժում եմ այն տրամաբանությունը, որ՝ «պոլի փետ լինի՝ բայց մերը լինի», դա բացառվում է։ Մեր Կառավարության կազմում կային մարդիկ, որոնք թվում էին, որ չափանիշներին համապատասխանում էին, բայց մեկ-երկու ամիս հետո նրանք քանդվեցին»,- ասաց նա։
Վարչապետի պաշտոնակատարը նշեց, որ, ընդունելով հանդերձ իրենց սխալները, պնդում է, որ ամեն փուլ ունի իր առաջնահերթությունները, և իրենք պարզել են, թե հեղափոխությունից անմիջապես հետո որոնք են դրանք, հիմա էլ պարզում են, թե ինչ առաջնահերթություններ են լինելու արտահերթ ընտրություններից հետո։
«Արտահերթ ընտրություններից հետո՝ անկախ արդյունքներից, բոլորովին նոր խնդիրներ առաջ կգան և նոր օրակարգ կլինի»,- ընդգծեց նա։
Մանրամասները՝ տեսանյութում։
