04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Մարդիկ տներ են ծախել, որ ՔԿՀ-ներում իրենց պարտքերը փակեն․ այս մաֆիոզ համակարգը նաև կա հիմա. Փաշինյան. ՏԵՍԱՆՅՈՒԹ
Հասարակություն
24.10.2018 | 11:24
Մարդիկ տներ են ծախել, որ ՔԿՀ-ներում իրենց պարտքերը փակեն: Այս մասին այսօր՝ հոկտեմբերի 24-ին, ՀՀ Ազգային ժողովում ունեցած ելույթում հայտարարեց վարչապետի թեկնածու Նիկոլ Փաշինյանը՝ անդրադառնալով քրեակատարողական հիմնարկներում (ՔԿՀ) գոյություն ունեցող խնդիրներին:
«Մենք այսօր մեր ՔԿՀ-ների ծանրաբեռնվածության, կալանքի կիրառման պրակտիկայի առումով գտնվում ենք աննախադեպ ցածր մակարդակի վրա: Այսինքն՝ այն պրոբլեմը, որ մենք 20 տարի ուզում էինք լուծել, որ ասում էինք՝ ՔԿՀ-ներում մարդիկ հերթով են քնում մի մահճակալի վրա… ի դեպ՝ դա պատահական չի արվել: Որ ասում են՝ քրեական էլիտան Հայաստանում իշխանություն է ունեցել, դրա հետ է կապված: Քնելու տեղ ունենալը փող ա, լավ տղու բազար ա, ով ա իրան ճիշտ պահում ընտրությունների ժամանակ, ընտրություններից հետո… ՔԿՀ-ները Հայաստանում եղել են ամենախոշոր բիզնեսներից մեկը»,- հայտարարեց Փաշինյանը:
Նրա խոսքով, երբ մարդը ՔԿՀ է մտնում, ամբողջ համակարգն աշխատում է՝ «մինչև նրա դուրս գալը հնարավորինս շատ փող քամելու համար»: «Այս մաֆիոզ կառույցի մի մասը ՔԿՀ-ներում դեռ պաշտոններ է զբաղեցնում: Այդ երևույթը հիմա էլ կա, բայց դա էլ արմատախիլ կանենք»,- հավելեց Նիկոլ Փաշինյանը:
Մանրամասները՝ տեսանյութում:
