20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Որևէ մեկը չկասկածի՝ Մարտի 1-ի գործը բացահայտվելու է մինչև վերջին անկյունները. Նիկոլ Փաշինյան. ՏԵՍԱՆՅՈՒԹ
Քաղաքականություն
24.10.2018 | 11:17
Որևէ մեկը չկասկածի, որ Մարտի 1-ը մինչև վերջ՝ մինչև վերջին անկյունը բացահայտվելու է: Այս մասին այսօր՝ հոկտեմբերի 24-ին, ՀՀ Ազգային ժողովում ունեցած ելույթում հայտարարեց վարչապետի թեկնածու Նիկոլ Փաշինյանը: «Ես բոլորին ուղղակի կոչ եմ անում հոգեբանորեն պատրաստ լինել բացահայտումների ողջ ծավալին, որովհետև հեշտ չի լինելու իմանալ այն ամենը, ինչ, ես համոզված եմ, առաջիկայում կիմանաք: Եվ ոչ միայն այս գործով»,- հավելեց նա:
Ըստ Փաշինյանի՝ այսօր հարց են տալիս, թե ինչո՞ւ նոր բացահայտումներ չկան. «Այսինքն՝ տպավորություն է, որ այդ պրոցեսն ինչ-որ ձևով կանգնել է կամ տեղապտույտի մեջ է հայտնվել: Այո՝ ճիշտ է դա, և դա ունի կոնկրետ պատճառներ»:
Իսկ պատճառը, նրա խոսքով, քննչական մարմինների ծանրաբեռնվածությունն է: «Այսօր Հայաստանում բոլոր քննչական մարմինների և բոլոր քննիչների ծանրաբեռնվածությունը կրկնակի ավելացել է: Քննիչներ կան, որ իրենց վարույթում մինչև 20-30 գործ են քննում»,- նշեց Նիկոլ Փաշինյանը:
Մանրամասները՝ տեսանյութում:
