21.01.2026 | 23:30
Ինչ իրավիճակ է Հայաստանի ճանապարհներին և Լարսում
Ղարաբաղի հարցի թաքուն լուծում չի՛ լինելու․ Նիկոլ Փաշինյան․ ՏԵՍԱՆՅՈՒԹ
Քաղաքականություն
24.10.2018 | 11:37
Եթե բանակցային գործընթացում կձևավորվի մի տարբերակ, որը կկարողանամ ներկայացնել ժողովրդի քննարկմանը, դա կանեմ: Այդ տարբերակը ընդունելի կլինի ճնշող մեծամասնության համար՝ դա կընդունվի, ոչ՝ ոչ: Էլ չեմ խոսում Ղարաբաղի բուն ժողովրդի մասին, որովհետև քանի դեռ նրանք ներգրավված չեն բուն գործընթացին, այդ հարցը լուծել չի կարելի։
Այս մասին այսօր Ազգային ժողովում ասաց վարչապետի պաշտոնակատար Նիկոլ Փաշինյանը՝ կոչ անելով մոռանալ այն հռետորիկան, թե հնարավոր է թաքուն այդ հարցը լուծել։
«Հայաստանում չի կարող լինել իշխանություն, նույնիսկ ամենաբռնապետականը, որը կարող է Ղարաբաղի հացը լուծել առանց ժողովրդի կարծիքը հաշվի առնելու։ Ղարաբաղի հարցի թաքուն լուծում չի՛ լինելու»,- ասաց Նիկոլ Փաշինյանը՝ վերահաստատելով, որ առանց Ղարաբաղի կարգավիճակի ճշգրտման ինքը չի պատկերացնում հարցի լուծում։
«Երբ ես ասում եմ, որ չեմ կարող բանակցել Արցախի ժողովրդի անունից դա քմահաճույք չէ։ Ե՛վ Ռոբերտ Քոչարյանը, և՛ Սերժ Սարգսյանը ունեցել են Արցախի ժողովրդի անունից բանակցելու կոնկրետ փաստարկ, բայց իմ պարագայում չկա այդպիսի գործոն»,- ասաց նա։
Մանրամասները՝ տեսանյութում։
