07.09.2026 | 15:32
Աղիքային վարակի գանգատներով 3 անձ Բյուրեղավանից հոսպիտալացվել է «Աբովյան» ԲԿ-ում
Ուկրաինայի հետ պատերազմում զոհվել է ավելի քան 15,000 զորակոչված ռուս․ Медиазона-ի և BBC-ի հաշվարկը
Քաղաքականություն
21.09.2025 | 13:39
Ուկրաինայի դեմ լայնածավալ ներխուժումից ի վեր պատերազմում զոհվել է 15,077 զորակոչված ռուս։ Այս տվյալները ներկայացրել են Медиазона-ն և BBC-ի ռուսական ծառայությունը, որոնք կորուստների հաշվարկներն իրականացնում են բաց աղբյուրների հիման վրա։
Զոհվածների գրեթե կեսը՝ 42%-ը, զոհվել է 2022 թվականի աշնանը հայտարարված «մասնակի զորակոչից» հետո առաջին տարվա ընթացքում։ 65 մարդ մահացել է դեռևս հավաքագրման կետերում կամ ՌԴ տարածքում գտնվող զորամասերում։ Լրագրողները նշում են, որ նման դեպքերը կարող են ավելի շատ լինել։
Ամենաշատ զոհերը գրանցվել են Բաշկորտոստանից (884 մարդ) և Թաթարստանից (861 մարդ)։ Եթե հաշվում ենք յուրաքանչյուր 10,000 տղամարդու հաշվով, ապա զորակոչվածների կորուստներով առաջին տեղում է Բուրյաթիան՝ 23 զոհ։ Դրան հաջորդող Տուվայի և Մագադանի շրջանի ցուցանիշները գրեթե կրկնակի ցածր են, նշում է BBC-ն։
Մոսկվայից հայտնի են 242 զոհված զորակոչվածների անունները, ինչը բնակչության նկատմամբ հաշվարկման դեպքում Ռուսաստանի բոլոր շրջանների մեջ ամենացածր ցուցանիշներից է։
Զորակոչվածների ամենածանր կորուստները եղել են ՌԴ ԶՈՒ-ի հարձակման ժամանակ Ուգլեդարի (Դոնեցկի մարզ) հատվածում 2023 թվականին, ինչպես նաև Ավդիևկայի մարտերի ընթացքում՝ նույն տարվա հոկտեմբերից դեկտեմբեր։
