06.12.2025 | 13:22
Գուգարաց թեմի քահանաները հանդես են եկել հայտարարությամբ՝ ի պաշտպանություն Գարեգին Բ կաթողիկոսի
Դատարանը վերացրեց Արծվիկ Մինասյանի նկատմամբ ընտրված բացակայելու արգելք խափանման միջոցը
Հասարակություն
19.09.2025 | 19:38
Ազգային ժողովի «Հայաստան խմբակցության պատգամավոր Արծվիկ Մինասյանի պաշտպան Բենիկ Գալստանյանն այսօր դատարանին միջնորդեց վերացնել նրա նկատմամբ ընտրված խափանման միջոց բացակայելու արգելքը: Պաշտպանը հայտնեց, որ Մինասյանը հոկտեմբերին գործուղում ունի՝ որպես պատգամավոր, բացի դրանից՝ մշտապես պատշաճ վարքագիծ է դրսևորել:
Հանրային մեղադրող Արման Բաղդասարյանը չառարկեց, որ Մինասյանի նկատմամբ բացակայելու արգելք խափանման միջոցը վերացվի, սակայն առաջարկեց Մինասյանի նկատմամբ փոխարենը 5 մլն դրամ գրավ կիրառել: Մինասյանը, սակայն, չհամաձայնեց՝ ընդհուպ վիրավորական որակելով մեղադրողի առաջարկը: Նա ասաց, որ գործը շինծու է, և ինքը դա ապացուցելու է:
Դատարանը որոշեց վերացնել պատգամավորի նկատմամբ ընտրված բացակայելու արգելքը և նրա նկատմամբ այլ խափանման միջոց չընտրեց:
Արաքս Մամուլյան
