07.12.2025 | 20:49
Կարծում եմ ճիշտ կլինի, որ կիրակնօրյա պատարագներից առաջ եկեղեցիներում երգչախմբերը կատարեն օրհներգը․ Փաշինյան
Բելառուսի ԱԳՆ-ն Չեխիայի դեսպանատան աշխատակցին անցանկալի անձ է ճանաչել․ 72 ժամ է տրվել երկիրը լքելու համար
Քաղաքականություն
19.09.2025 | 17:53
Բելառուսի արտաքին գործերի նախարարությունը Չեխիայի դեսպանատան աշխատակցին անցանկալի անձ է հայտարարել։ Նա պետք է երկիրը լքի 2 ժամվա ընթացքում։ Նախարարությունը հայտարարել է, որ սա պատասխան է չեխական և լեհական իշխանությունների կողմից բելառուս դիվանագետներին վտարելու որոշմանը, գրում է Current time-ը։
Բելառուսում Չեխիայի դիվանագիտական առաքելության ղեկավարի պաշտոնակատար Թոմաշ Կրիլը տեղեկացվել է որոշման մասին:
«Ստեղծված իրավիճակը չեխական իշխանությունների կողմից Բելառուսի նկատմամբ տարիներ շարունակ մշակված կողմնակալության արդյունք է: Մենք ստիպված ենք արձագանքել գործող դիվանագիտական պրակտիկային համապատասխան, այդ թվում՝ Չեխիայում Բելառուսի դեսպանատան նկատմամբ նախկինում սահմանված սահմանափակումների համատեքստում»,- ասվում է նախարարության հայտարարության մեջ:
Բելառուսի ԱԳՆ է կանչվել նաև Լեհաստանի գործերի ժամանակավոր հավատարմատար Վոյցեխ Ֆիլիմոնովիչը։ Գերատեսչությունը խոստացել է հանդիպման արդյունքների մասին հաղորդել ավելի ուշ։
Լեհաստանը և Չեխիան արտաքսել են բելառուս դիվանագետներին՝ բելառուսական լրտեսական ցանց բացահայտելուց հետո: Չեխական հետախուզության տվյալներով՝ հետախուզական ցանցը ստեղծվել է Բելառուսի Պետական անվտանգության կոմիտեի կողմից: Դրա անդամների թվում էր 47-ամյա Ալեքսանդր Բալանը՝ Մոլդովայի հետախուզության և անվտանգության ծառայության նախկին պետի տեղակալը։ Նա ձերբակալվել էր Բուխարեստում:
Թարգմանությունը՝ Էմմա Չոբանյանի
