06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
1․2 մլրդ դրամ՝ 8 ամսում․ Հայաստանի պետական պարտքն անշեղորեն աճում է
19.09.2025 | 14:45
Հայաստանի պետական պարտքն անշեղորեն աճում է․ այս տարվա հունվար-օգոստոսին ՀՀ-ի պարտքն ավելացել է 1 մլրդ 288.1 մլն ԱՄՆ դոլարով՝ օգոստոսի 31-ի դրությամբ հասնելով 14 մլրդ 130.3 մլն դոլարի։ Այս գումարի հիմնական մասը ՀՀ կառավարության պարտքն է՝ 13․6 մլրդ դոլար, իսկ 522․3 մլն դոլարը Կենտրոնական բանկի պարտքն է։
Նկատենք, որ կառավարության պարտքի կազմում ավելի արագ տեմպով աճում է ներքին պարտքը, քան արտաքինը, մասնավորապես 2025-ի օգոստոսի 8 ամիսների ընթացքում ներքին պարտքն աճել է 13.4%-ով՝ հասնելով 7 մլրդ 242․6 մլն դոլարի, իսկ արտաքինը՝ 6․9%-ով՝ հասնելով 6 մլրդ 365․4 մլն դոլարի։
Ուշագրավ են միջազգային կառույցներին և պետություններին վարկերի մարման և սպասարկման նպատակով ՀՀ կառավարության վճարումները։ 2025-ի առաջին կիսամյակում պետական բյուջեից պարտքի մայր գումարի մարման նպատակով վճարվել է 225․1 մլն դոլար, իսկ տոկոսավճար՝ 81․5 մլն դոլար։ Ինչպես երևում է ինֆոգրաֆիկայում, ամենամեծ տոկոսավճար վճարվել է Վերակառուցման և Զարգացման Միջազգային Բանկին՝ 26․8 մլն դոլար, թեև դրա մայր գումարն ամենամեծը չէ, կազմում է մոտ 15․2 մլն դոլար։
Հավելենք, որ կառավարության պարտքի մարումները ներկայում սփռված են մինչև 2054 թվականը։ Ըստ ֆինանսների նախարարության՝ վերաֆինանսավորման ռիսկի տեսակետից առանձնանում են արտարժութային պարտատոմսերի մարման տարեթվերը՝ 2029 թ․, 2031 թ․ և 2035 թ․։
Գայանե Խաչատրյան
