Հյուսիսային Կորեան մարտավարական հարվածային անօդաչու թռչող սարքեր է փորձարկել Կիմ Չեն Ընի ղեկավարությամբ

ԿԺԴՀ-ն մարտավարական հարվածային անօդաչու թռչող սարքերի շարք է փորձարկել։ Այս մասին հաղորդում է Հյուսիսային Կորեայի կենտրոնական լրատվական գործակալությունը (KCNA)։

Նշվում է, որ Կորեայի Աշխատավորական կուսակցության գլխավոր քարտուղար, Կորեայի Ժողովրդա-Դեմոկրատական ​​Հանրապետության պետական ​​գործերի նախագահ Կիմ Չեն Ընը ղեկավարել է անօդաչու զենքի և սարքավորումների փորձարկումը, որոնք մշակվում և արտադրվում են անօդաչու թռչող սարքերի համալիրի ինստիտուտի և ձեռնարկությունների կողմից։ Կիմ Չեն Ընը մանրամասն ծանոթացել է տարբեր տեսակի անօդաչու զենքերի և սարքավորումների, այդ թվում՝ ռազմավարական և մարտավարական անօդաչու հսկողության մեքենաների և բազմաֆունկցիոնալ անօդաչու թռչող սարքերի աշխատանքին և մարտական ​​կիրառմանը։

Հաղորդվում է, որ նույն օրն անցկացված փորձարկումները ցույց են տվել ռազմավարական անօդաչու հետախուզական մեքենայի ռազմական-ստրատեգիական արժեքը և նորարարական բնութագրերը, ինչպես նաև Kumsong շարքի մարտավարական հարձակողական անօդաչու թռչող սարքերի գերազանց մարտական ​​արդյունավետությունը։

Կիմ Չեն Ընը գոհունակություն է հայտնել փորձարկման արդյունքներից։ Նա ասել է, որ անօդաչու սարքավորումների կիրառման շրջանակը ժամանակակից պատերազմում ավելի է ընդլայնվում, և անօդաչու սարքավորումները դառնում են ռազմական գործունեության հիմնական ակտիվ, և ԿԺԴՀ զինված ուժերի արդիականացման գերակա և կարևոր խնդիր է՝ բարձր զարգացած հիմքի վրա դնել անօդաչու սարքավորումների հիմնական տեխնոլոգիան, արհեստական ​​բանականությունը և անօդաչու զենքի ու սարքավորումների համակարգերի գործառնական կարողությունները։

Թարգմանությունը՝ Էմմա Չոբանյանի