16.02.2026 | 23:24
Այրվել են պահեստային բաքերը և բեռնատար մեքենա. մանրամասներ Թալինի գազալցակայաններից մեկում բռնկված հրդեհից
Ադրբեջանը մեկ քայլ է հեռու խաղաղության պայմանագրի ստորագրումից, գլխավոր խոչընդոտը ՀՀ Սահմանադրությունն է․ ադրբեջանցի պատգամավոր
Քաղաքականություն
19.09.2025 | 13:33
Այսօր Ադրբեջանն ընդամենը մեկ քայլ է հեռու Երևանի հետ խաղաղության պայմանագիր ստորագրելուց, սակայն դրան խոչընդոտում է միայն մեկ խնդիր՝ Հայաստանի Սահմանադրությունը։ Ադրբեջանական լրատվամիջոցների հաղորդմամբ՝ այս մասին հայտարարել է Միլլի Մեջլիսի տարածաշրջանային հարցերով հանձնաժողովի նախագահ Սիյավուշ Նովրուզովը։
Պատգամավորի խոսքով՝ Հայաստանը, իբր, «ժամանակին ռեակցիոն քայլ է կատարել՝ իր Սահմանադրության մեջ ամրագրելով Ադրբեջանի նկատմամբ տարածքային պահանջները», ինչն այսօր հանդիսանում է խաղաղության հիմնական խոչընդոտը։
«Այս դրույթի չեղարկումը խաղաղության հասնելու հիմնական պայմանն է»,- հայտարարել է Նովրուզովը։
Հավելենք, որ չնայած Վաշինգտոնում օգոստոսի 8-ին Հայաստանի ու Ադրբեջանի միջև խաղաղության համաձայնագրի նախաստորագրմանը՝ Բաքուն շարունակում է պահանջներ առաջ քաշել խաղաղության վերջնական պայմանագրի ստորագրման համար։
Ավելի վաղ էլ Al Arabiya-ի հետ զրույցում Ադրբեջանի նախագահ Իլհամ Ալիևն էր հայտարարել, որ «պաշտոնապես խաղաղության համաձայնագիրը չի ստորագրվել մեկ կոնկրետ պատճառով»։
«Հայաստանի Սահմանադրությունը դեռևս պարունակում է մի դրույթ, որը կասկածի տակ է դնում Ադրբեջանի տարածքային ամբողջականությունը։ Ինչպես հասկանում ենք՝ նրանք փոփոխություն կկատարեն։ Երբ սահմանադրական այդ փոփոխությունը կատարվի, երբ Ադրբեջանի նկատմամբ տարածքային պահանջները հանվեն, կստորագրվի պաշտոնական խաղաղության համաձայնագիրը»,- ասել էր նա։
Թարգմանությունը՝ Էմմա Չոբանյանի
