28.06.2026 | 13:32
Արման Եղոյանը և Արուսյակ Ջուլհակյանը ԱԺ փոխնախագահ դառնալու ցանկություն ունեն. առայժմ հայտնի է 4 թեկնածուի մասին
ՀՀ 8 միջպետական ճանապարհի 14 կետում առցանց հաշվիչներով չափվում է ավտոմոբիլային տրանսպորտի ինտենսիվությունը
19.09.2025 | 14:37
2025 թվականի երկրորդ եռամսյակում, նախորդ տարվա նույն ժամանակահատվածի համեմատ, ավտոտրանսպորտային միջոցների ինտենսիվությունը, բացառությամբ մեկ կետի, աճել է։ ՀՀ 8 միջպետական ճանապարհի 14 կետում տեղակայված առցանց աշխատող հաշվիչների միջոցով չափվում է ավտոմոբիլային տրանսպորտի ինտենսիվությունը։ Հաշվիչները տեղադրված են Մ-1, Մ-2, Մ-3, Մ-4, Մ-5, Մ-6, Մ-7 և Մ-10 միջպետական ճանապարհներին։
Ճանապարհային դեպարտամենտ հիմնադրամից հայտնում են, որ դրանք արձանագրում են տվյալ կետում թեթև մարդատար, բեռնատար և կցորդով բեռնատար մեքենաների միջին օրական ինտենսիվությունը։
«2025 թվականի երկրորդ եռամսյակում, նախորդ տարվա նույն ժամանակահատվածի համեմատ, ավտոտրանսպորտային միջոցների ինտենսիվությունը, բացառությամբ մեկ կետի, աճել է։ Տրանսպորտային միջոցների ինտենսիվությունը չափվում է նաև շարժական հաշվիչների միջոցով։
Ինտենսիվության ստացված տվյալները հանդիսանում են HDM-4 տնտեսագիտական վերլուծության ծրագրի մուտքային տվյալ։ Հավաքագրված տվյալները վերլուծվում և Ճանապարհային դեպարտամենտի ստորաբաժանումների կողմից օգտագործվում են ճանապարհների վերականգնման ծրագրերի մշակման, անվտանգության միջոցառումների ձեռնարկման և այլ նպատակներով»,- ասված է հաղորդագրությունում։
