04.08.2026 | 23:08
Հաշտարարների պալատի կրթական ծրագիրը ստացել է պետական երաշխավորում
Թրամփն արգելափակել է Թայվանին տրամադրվող 400 միլիոն դոլարի ռազմական օգնության փաթեթը՝ Չինաստանի հետ հնարավոր առևտրային գործարքի պատճառով
Քաղաքականություն
19.09.2025 | 13:42
ԱՄՆ նախագահ Դոնալդ Թրամփը հրաժարվել է հավանություն տալ Թայվանի համար 400 միլիոն դոլարի ռազմական օգնության փաթեթին, քանի որ նա փորձում է պայմանավորվել առևտրային գործարքի և Չինաստանի նախագահ Սի Ցզինպինի հետ հնարավոր գագաթնաժողովի անցկացման շուրջ։ Այս մասին հաղորդում է The Washington Post-ը՝ հղում անելով աղբյուրներին, փոխանցում է Current time-ը։
Լրատվամիջոցի աղբյուրների համաձայն՝ այդ օգնության փաթեթը ներառում է զինամթերք և անօդաչու թռչող սարքեր։ Սպիտակ տան ներկայացուցիչը հայտարարել է, որ Թայվանին ռազմական օգնության վերաբերյալ վերջնական որոշում դեռևս չի կայացվել։
Մարտին էլ լրատվամիջոցը, հղում անելով իր ձեռք բերած գաղտնի փաստաթղթին, հաղորդել էր, որ Պենտագոնի ղեկավար Փիթ Հեգսեթը Չինաստանը համարում է միակ սպառնալիքը, որի վրա պետք է կենտրոնանա նախարարությունը, իսկ Թայվանի վրա Չինաստանի հնարավոր ներխուժումը՝ միակ առանցքային սցենարը։
Փաստաթղթում, մասնավորապես, կոչ է արվում ճնշում գործադրել Թայվանի իշխանությունների վրա՝ զգալիորեն ավելացնելու իրենց պաշտպանական ծախսերը: Թրամփը և նրա դաշնակիցները ավելի վաղ քննադատել էին Թայվանին պաշտպանության մեջ ներդրումների թերացման համար՝ կոչ անելով կղզուն իր ՀՆԱ-ի մինչև 10%-ը ծախսել զենքի վրա: Այս առաջարկվող համամասնությունը զգալիորեն ավելի բարձր է, քան ԱՄՆ-ի և նրա դաշնակիցների կողմից պաշտպանության վրա ծախսվող գումարները:
Թարգմանությունը՝ Էմմա Չոբանյանի
