10.03.2026 | 23:51
Միրզոյանը և ԱՄՆ պետքարտուղարի տեղակալը քննարկել են ՀՀ-ԱՄՆ ռազմավարական գործընկերության խորացման հարցեր
Ուկրաինան և ՌԴ-ն զոհերի մարմինների նոր փոխանակում են իրականացրել
Քաղաքականություն
18.09.2025 | 20:44
Ուկրաինան և Ռուսաստանը զոհերի մարմիններ են փոխանակել։ Ուկրաինային է վերադարձվել 1000 մարմին, որոնք, ըստ Ռուսաստանի պնդումների, պատկանում են ուկրաինացի զինծառայողներին։ Այս մասին հայտնել է ռազմագերիների հետ վերաբերմունքի հարցերով Ուկրաինայի համակարգող շտաբը, գրում է Current time-ը։
Շտաբի տվյալներով՝ Ուկրաինայի իրավապահ մարմինների քննիչները, ՆԳՆ դատաբժշկական հաստատությունների հետ համատեղ, շուտով կանցկացնեն անհրաժեշտ փորձաքննությունները և կբացահայտեն հայրենադարձված մարմինների ինքնությունը։
ՌԴ Պետդումայի պատգամավոր Շամսայիլ Սարալիևը, որը ռազմական գործողությունների խորհրդարանական համակարգող խմբի ներկայացուցիչ է, ՌԲԿ-ին ասել է, որ ուկրաինական կողմը հանձնել է 24 զինծառայողի մարմին։
Ուկրաինայի նախագահ Վլադիմիր Զելենսկին հայտարարել է, որ ավելի վաղ մարմինների փոխանակման ժամանակ Ռուսաստանը Կիևին է հանձնել ոչ ուկրաինացու 20 դիակ։
Հարցին, թե ինչպես է ռուսական կողմն արձագանքում դրան, նա պատասխանել է. «Ոչ մի կերպ։ Ասում են՝ նման բան չի կարող պատահել»։
Թարգմանությունը՝ Էմմա Չոբանյանի
