07.09.2026 | 16:58
Երևանի գերեզմանատան հարակից տարածքում «ԱԿ-47» ինքնաձիգ և փամփուշտներ են հայտնաբերվել
Ռուսական զորքերը հարվածել են Պոլտավային, ինչպես նաև Բուչա և Բորիսպոլ բնակավայրերին․ տուժածներ կան
Քաղաքականություն
18.09.2025 | 11:44
Ռուսական զորքերը սեպտեմբերի լույս 18-ի գիշերը հարվածել են Պոլտավայի մարզում գտնվող բենզալցակայանի, որի հետևանքով վիրավորվել է չորս մարդ։ Այս մասին հայտնել է Ուկրաինայի արտակարգ իրավիճակների պետական ծառայությունը, գրում է Current time-ը։
Գերատեսչության տվյալներով՝ վնասվել են կայանի տրանսպորտային միջոցները, շենքը և սարքավորումները: Բռնկված հրդեհը մարվել է։
Բենզալցակայանից բացի՝ ռուսական ուժերը հարվածել են նաև Պոլտավայի մարզի երկաթուղային ենթակառուցվածքներին: Ըստ «Ուկրզալիզնիցա»-ի՝ մի շարք հատվածներ հոսանքազրկվել են։ Ընկերությունը գործի է դրել պահեստային շոգեքարշներ, մի քանի գնացքներ ուշացել են։ Առավոտյան վնասը տեղայնացվել է։
Ռուսական հարվածի հետևանքով Կիևի Բորիսպոլ շրջանում հրդեհ է բռնկվել պահեստում, իսկ Բուչա շրջանում մասնավոր տուն է այրվել։
Ուկրաինական ռազմաօդային ուժերի հաղորդմամբ՝ սեպտեմբերի լույս 18-ի գիշերը ռուսական զորքերն Ուկրաինայի վրա հարձակվել են 75 «Շահեդ», «Հերբերա» և այլ տեսակի հարվածային անօդաչու թռչող սարքերով։ Հակաօդային պաշտպանության միջոցներով խոցվել է 48 անօդաչու թռչող սարք, ևս մեկը մնացել է օդում։
Թարգմանությունը՝ Էմմա Չոբանյանի
