20.08.2026 | 12:38
Օլիմպավանում, ըստ ՊԵԿ-ի, հարկային խոշոր խախտումներ են արձանագրվել․ շուրջ 2 մլրդ դրամի վնաս է պատճառվել․ ՏԵՍԱՆՅՈՒԹ
«Ես փախնելու տեղ չունեմ, իմ հայրենիքը Հայաստանն է․ Բաղմանյանի խափանման միջոցը չփոխվեց. ՏԵՍԱՆՅՈՒԹ
Հասարակություն
17.09.2025 | 20:37
ՀԱՊԿ միացյալ շտաբի պետի նախկին տեղակալ Հայկազ Բաղմանյանի նկատմամբ նրա գործի նախաքննության ընթացքում խափանման միջոց է ընտրվել 40 մլն դրամ գրավը՝ համակցված բացակայելու արգելք խափանման միջոցի հետ: Այսօր նրա գործով դատական նիստի ընթացքում հանրային մեղադրող Ծովակ Մնացականյանը դիրքորոշում հայտնեց, որ Բաղմանյանի նկատմամբ ընտրված խափանման միջոցները պետք է պահպանվեն: Պաշտպանական կողմը գրավի մասով առարկություն չներկայացրեց, բայց դիրքորոշում հայտնեց, որ բացակայելու արգելք խափանման միջոցը պետք է վերացվի: Ըստ պաշտպաններ Մուշեղ Ալեքսանյանի և Արթուր Մանուկյանի՝ Բաղմանյանը ՀՀ-ում չի եղել, երբ հայտնի է դարձել նրա նկատմամբ քրեական հետապնդում հարուցված լինելու մասին, և եթե քննությունից խուսափելու նպատակ ունենար, չէր վերադառնա ՀՀ:
Բաղմանյանը ևս դիրքորոշում հայտնեց: «Ես փախնելու տեղ չունեմ, իմ հայրենիքը Հայաստանն է»,- ասաց Բաղմանյանը:
Դատարանը որոշեց մեղադրանքի նկատմամբ ընտրված խափանման միջոց 40 մլն դրամ գրավը և բացակայելու արգելքը թողնել անփոփոխ։
Արաքս Մամուլյան
