29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Բոլոր պատգամավորների միջև կան ընկերական հարաբերություններ․ Հովհաննիսյանը՝ Սիմոնյանի և Սարգսյանի մասին. ՏԵՍԱՆՅՈՒԹ
Քաղաքականություն
17.09.2025 | 16:11
«Չի բացառվում, որ Հայկ Սարգսյանի նկատմամբ վարչությունում կարգապահական վարույթ լինի հարուցված»,– այս մասին Factor TV-ի հետ զրույցում ասաց ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը՝ արձագանքելով մամուլում շրջանառվող տեղեկություններին, ըստ որի՝ պատգամավոր Հայկ Սարգսյանը ՔՊ կուսակցության վարչության նիստին պահանջ է ներկայացրել, որպեսզի խորհրդարանի նախագահ Ալեն Սիմոնյանին հեռացնեն կուսակցությունից։
Հովհաննիսյանն ասաց, որ երեկ ՔՊ խմբակցության նախաձեռնող նիստին Հայկ Սարգսյանը չի մասնակցել, քանի որ վարչության անդամ չէ։
ՔՊ խմբակցության ղեկավարը վստահեցրեց, որ բոլոր պատգամավորների միջև կան գործընկերային և ընկերական հարաբերություններ։
«Ներանձնային խնդիրներ չկան։ Մենք մի խմբակցություն ենք, որն անցել է նոյեմբերի 9-ի, պատերազմի և այլ արհավիրքների միջով։ Մենք ավելի ամուր ենք, քան երբևէ։ Եթե որևէ կուսակցական որևէ կուսակցականի հետ ունի խնդիր, դիմում է մեր համապատասխան կառույցներին՝ վերահսկող հանձնաժողովին, որն իր եզրակացությունը ներկայացնում է վարչությանը։ Վարչությունն էլ որոշումներ է կայացնում»,– նշեց նա։
Հիշեցնենք, որ «Քաղաքացիական պայմանագիր» կուսակցությունն այսօր հայտարարություն է տարածել, որ այս տարվա ապրիլին ՔՊ վարչությունն ԱԺ նախագահ Ալեն Սիմոնյանի դիմումի հիման վրա ԱԺ պատգամավոր Հայկ Սարգսյանի նկատմամբ հարուցել է կարգապահական վարույթ, որի արդյունքում վերջինիս հայտարարվել է խիստ նկատողություն։
Մանրամասները՝ տեսանյութում։
Մանյա Պողոսյան
