24.02.2026 | 13:42
«Այսօր լրանում է ուղիղ չորս տարին, ինչ Պուտինը երեք օրում գրավում է Կիևը». Զելենսկի
ՌԴ նախագահի խորհրդականը՝ ԵՏՄ-ին Ադրբեջանի անդամակցության հնարավորության մասին
Քաղաքականություն
23.10.2018 | 18:30
ԵՏՄ-ն բաց է բոլորի համար: Այս մասին այսօր՝ հոկտեմբերի 23-ին, լրագրողների հետ հանդիպմանն ասաց ՌԴ նախագահի խորհրդական Սերգեյ Գլազևը, որը Երևանում մասնակցում է Եվրասիական գործընկերության միջազգային համաժողովին:
Այս համատեքստում նա ակնարկել է ԵՏՄ-ին Ադրբեջանի անդամակցության հնարավորության մասին՝ դա կապելով ղարաբաղյան հակամարտության հետ:
«Եթե ԵՏՄ-ն ներառի հետխորհրդային տարածքի բոլոր երկրները, ապա հակամարտություններ շատ քիչ կլինեն: Մեր դիրքորոշումն հետևյալն է. հետխորհրդային տարածքներում հակամարտությունները պետք է լուծվեն բանակցությունների, խորհրդակցություններ և փոխզիջումների միջոցով»,- ղարաբաղյան կարգավորման մասին հարցին ի պատասխան՝ ասաց ՌԴ նախագահի խորհրդականը:
Մինչ այդ, Եվրասիական տնտեսական հանձնաժողովի առևտրի նախարար Վերոնիկա Նիկիշինան հարցին ավելի հստակ պատասխան է տվել. «Կարող եմ ասել միայն, որ օրակարգում այդ հարցը չկա»:
Նշենք, որ լրատվամիջոցներում բազմիցս են հրապարակումներ եղել ԵՏՄ-ին Բաքվի հնարավոր անդամակցության մասին: Սակայն պաշտոնական Երևանը հայտարարել է, որ հարցի քննարկման դեպքում կօգտվի վետոյի իր իրավունքից:
