29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Եվրասիական գործընկերության միջազգային գործարար համաժողովն իր պաշտոնական գրասենյակները կունենա ԵԱՏՄ անդամ երկրներում․ Արա Աբրահամյան․ ՏԵՍԱՆՅՈՒԹ
Քաղաքականություն
23.10.2018 | 18:03
Եվրասիական գործընկերության միջազգային գործարար համաժողովն իր պաշտոնական գրասենյակները կունենա ԵԱՏՄ անդամ երկրներում:
Այս մասին այսօր հրավիրված մամուլի ասուլիսի ժամանակ ասաց Ռուսաստանի հայերի միության նախագահ Արա Աբրահամյանն, ով նաև Եվրասիական գործընկերության միջազգային երրորդ համաժողովի համակարգողն է։
«Համաժողովն իր գրասենյակն ունի Երևանում և Մոսկվայում: Քննարկում ենք ԵԱՏՄ անդամ այլ երկրներում նոր գրասենյակներ բացելու հարցը: Մեր ֆորումի նպատակն է աջակցել բիզնեսին և շատ ենք կարևորում բիզնեսի հետ աշխատանքը: Այս ընթացքում կազմակերպել ենք բազմաթիվ հանդիպումներ, քննարկումներ, որտեղ ներկայացվել են Հայաստանի տնտեսական հնարավորությունները»,-ասաց Արա Աբրահամյանը:
Նա նաև նշեց, որ հայաստանցի բիզնեսմենները ավելի պասիվ են, ակտիվ չեն համագործակցում Եվրասիական գործընկերության միջազգային գործարար համաժողովի պաշտոնական գրասենյակի հետ, ուստի անցկացվող տնտեսական միջազգային ֆորումը կարող է լինել համագործակցության նոր եզրեր գտնելու հարթակ։
«Նշեմ, որ այս ֆորումը մեծ հնարավորություններ է տալիս, քանի որ դրան ներկայացված են խոշոր ընկերություններ և ֆինանսական կազմակերպություններ»,-ասաց Ռուսաստանի հայերի միության նախագահը:
Մանրամասները՝ տեսանյութում։
