12.01.2026 | 20:37
Քննարկվել է Գիտության ոլորտի զարգացման 2026-2030 թվականների ռազմավարական ծրագրի նախագիծը
Իսրայելն ավիահարվածներ է հասցրել Եմենի Հոդեյդա նավահանգստին
Քաղաքականություն
16.09.2025 | 21:58
Եմենը ակտիվացրել է իր օդային պաշտպանությունը, այն բանից հետո, երբ Իսրայելը հարվածներ է հասցրել երկրին։ Այս մասին սոցիալական ցանցերում հայտարարել է հութիների ռազմական խմբավորման խոսնակը, գրում է France 24-ը։
«Մեր օդային պաշտպանությունը ներկայում բախվում է իսրայելական ինքնաթիռներին, որոնք ագրեսիա են սկսում մեր երկրի դեմ»,- X-ում գրել է խոսնակ Յայհա Սարին։
Իսրայելի զինվորականները նախազգուշացում են տարածել Հոդեյդա նավահանգստային քաղաքի համար՝ Իրանի կողմից աջակցվող հութի ապստամբների հետ հակամարտության շրջանակում։ Իսրայելական զինվորականների խոսնակ, գնդապետ Ավիչայ Ադրային կոչ է արել Հոդեյդայի բնակիչներին տարհանվել հարձակումից առաջ, որը, նրա խոսքով, տեղի կունենա առաջիկա ժամերին։
Իսրայելի պաշտպանության նախարար Իսրայել Կացն էլ նշել է, որ Եմենի Հոդեյդա նավահանգստի վրա հարվածը նպատակ ունի շարունակել «հութիների ահաբեկչական կազմակերպության ծովային և օդային շրջափակումը»։
«Հութիների ահաբեկչական կազմակերպությունը կշարունակի հարվածներ ստանալ և ցավալի գին կվճարի Իսրայելի պետության վրա հարձակվելու ցանկացած փորձի համար»,- հավելել է նա։
Ապստամբների Al-Masirah հեռուստաընկերությունը հայտնել է, որ «12 օդային հարվածներ են հասցվել Հոդեյդա նավահանգստին»։
Թարգմանությունը՝ Էմմա Չոբանյանի
