04.11.2026 | 23:13
Ընդդիմադիրները հավաքվել են քննարկման Սամվել Կարապետյանի տանը. ՏԵՍԱՆՅՈՒԹ
Կյանքից հեռացել է ամերիկացի հայտնի դերասան Ռոբերտ Ռեդֆորդը
Քաղաքականություն
16.09.2025 | 17:57
89 տարեկանում կյանքից հեռացել է ամերիկացի դերասան, կինոռեժիսոր և պրոդյուսեր Ռոբերտ Ռեդֆորդը, հաղորդում է The New York Times-ը։
Նշվում է, որ նա մահացել է երեքշաբթի վաղ առավոտյան՝ Յուտայի իր տանը։ Ռեդֆորդի մահվան մասին հայտնել է Rogers & Cowan PMK գործակալության գործադիր տնօրեն Սինդի Բերգերը։ Նա, սակայն, մահվան պատճառը չի նշել։
«Նա մահացել է իր սիրելի վայրում՝ շրջապատված սիրելիներով»,- ասվում է հայտարարության մեջ։
Ռեդֆորդը հայտնի է «Բուչ Քեսիդին և Սանդենսի երեխան» (1969), «Կոնդորի երեք օրերը» (1975), «Նախագահի բոլոր մարդիկ» (1976) և բազմաթիվ այլ ֆիլմերում դերերով։
Նա առաջադրվել է «Օսկար» մրցանակի «Խաբերություն» (1973) ֆիլմում դերի համար, սակայն հաղթել է միայն որպես ռեժիսոր՝ իր դեբյուտային ֆիլմի՝ «Սովորական մարդիկ» (1981) դրամայի համար։
Թարգմանությունը՝ Էմմա Չոբանյանի
