13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
Ադրբեջանը պատրաստ է շարունակել ԼՂ հակամարտության կարգավորման հարցով բանակցությունները. Մամեդյարով
Քաղաքականություն
23.10.2018 | 16:44
Ադրբեջանը պատրաստ է շարունակել բանակցությունները՝ հակամարտության փուլային կարգավորման գործընթացի մեկնարկի նպատակով: ՌԻԱ Նովոստիին տված հարցազրույցում այս մասին հայտարարել է Ադրբեջանի ԱԳ նախարար Էլմար Մամեդյարովը:
Ադրբեջանցի պաշտոնյան վստահեցրել է, որ վերջին շրջանում «հենց Բաքուն է բազմիցս հայտարարել պատասխանատու երկխոսության առաջընթացի անհրաժեշտությունը»: «Դուշանբեում ԱՊՀ վերջին գագաթնաժողովի շրջանակում Ադրբեջանի նախագահ Իլհամ Ալիևի և Հայաստանի վարչապետի միջև բարձր մակարդակով կայացած զրույցն օրինակ է, որ Ադրբեջանը պատրաստ է բովանդակային երկխոսության: Ցավոք, իշխանության փոփոխությունը և մինչև հիմա Երևանում նկատվող քաղաքական անկայունությունը որոշակիորեն արգելակել են գործընթացը: Հույս ունենք, որ Հայաստանի ղեկավարությունն առաջիկայում կկարողանա քաղաքական կամք դրսևորել՝ գոյություն ունեցող ձևաչափով բանակցությունները շարունակելու համար»,- հայտարարել է Էլմար Մամեդյարովը:
