29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Լավրովը հայտարարել է, որ ՌԴ-ն ուրախ կլիներ Հայաստանի կատարողներին տեսնել «Ինտերտեսիլ» երգի մրցույթում
Քաղաքականություն
16.09.2025 | 14:43
Ռուսաստանն ուրախ կլիներ տեսնել Հայաստանի կատարողներին «Ինտերտեսիլ» երգի միջազգային մրցույթի մասնակիցների շարքում, և նրանք գիտեն այդ մասին։ Այս մասին հայտարարել է ՌԴ արտաքին գործերի նախարար Սերգեյ Լավրովը մրցույթի նախապատրաստական աշխատանքներին նվիրված մամուլի ասուլիսում, գրում է ՏԱՍՍ-ը։
«Հայ ընկերները շատ լավ գիտեն, որ մրցույթն անցկացվում է, և հարցը, թե ինչու մասնակիցների մեջ հայկական մշակույթի ներկայացուցիչ չկա, մեզ չի ուղղված։ Մենք ուրախ կլինեինք տեսնել բոլորին, այդ թվում, իհարկե, մեր հայ ընկերներին»,- ասել է Լավրովը։
ՌԴ նախագահ Վլադիմիր Պուտինն ավելի վաղ հրամանագիր էր ստորագրել 2025 թվականին Մոսկվայում և Մոսկվայի մարզում «Ինտերտեսիլ» միջազգային երաժշտական մրցույթ անցկացնելու մասին: Այն կանցկացվի սեպտեմբերի 20-ին Մոսկվայում։
Մասնակիցների թվում են ՌԴ-ի, Չինաստանի, Բելառուսի, Վենեսուելայի, Վիետնամի, Եգիպտոսի, Հնդկաստանի, Ղազախստանի, Կատարի, Կոլումբիայի, Կուբայի, Ղրղզստանի, ԱՄԷ-ի, Սաուդյան Արաբիայի, Սերբիայի, Տաջիկստանի, Ուզբեկստանի , ՀԱՀ-ի, ԱՄՆ-ի, Եթովպիայի, Բրազիլիայի, Մադագասկարի ներկայացուցիչները։ Ի սկզբանե հայտարարվել էր նաև Ադրբեջանի մասնակցության մասին, սակայն հետագայում պարզ դարձավ, որ Ադրբեջանը հրաժարվել է մասնակցությունից։
Թարգմանությունը՝ Էմմա Չոբանյանի
