20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Բաքուն հայտարարում է, թե «Զանգեզուրի միջանցքի» Հորադիզ-Ջաբրայիլ-Զանգիլան-Աղբենդ ճանապարհի շինարարությունն 95 տոկոսով ավարտված է
Քաղաքականություն
16.09.2025 | 14:11
Ադրբեջանական լրատվամիջոցները հայտնում են, որ Հորադիզ-Ջաբրայիլ-Զանգիլան-Աղբենդ (ադրբեջանական աղբյուրներն այն անվանում են «Զանգեզուրի միջանցք») ճանապարհի շինարարությունն 95%-ով ավարտված է։
Նշվում է, թե «Զանգեզուրի միջանցքի» նախագիծն իրականացվում է «ժամանակակից չափանիշներին և բարձր որակի պահանջներին համապատասխան»։ Նախագծի համաձայն՝ ճանապարհի ընդհանուր երկարությունը կազմում է 149,9 կմ, որից 123,6 կմ-ը գլխավոր ճանապարհն է։ Ճանապարհի տեխնիկական կատեգորիան 1B է, ինչն ապահովում է բարձր արագության և անվտանգ տեղաշարժի հնարավորությունը, հավելում են ադրբեջանական աղբյուրները։
Ճանապարհի լայնությունը՝ 14-21 մետր է, ճանապարհային հողային ծածկույթի լայնությունը՝ 21,5–29,5 մետր, իսկ երթևեկության գոտիների քանակը՝ 4-6։
Հավելենք, որ թեպետ Վաշինգտոնում օգոստոսի 8-ին ՀՀ-ի և Ադրբեջանի միջև ստորագրված համաձայնագրերով որևէ «Զանգեզուրի միջանցք» չի նախատեսվում, Բաքուն շարունակում է «միջանցք» եզրույթի օգտագործումը։ Փաստաթղթերում նշվում է «Թրամփի երթուղու» (TRIPP) մասին։
Թարգմանությունը՝ Էմմա Չոբանյանի
