Հոկտեմբերի 21-ին Հայաստանի 49 համայնքներում տեղի ունեցած տեղական ինքնակառավարման մարմինների (ՏԻՄ) ընտրությունների արդյունքների վերաբերյալ դիմումներ չեն ստացվել: Այս մասին տեղեկանում ենք ՀՀ Կենտրոնական ընտրական հանձնաժողովից (ԿԸՀ):
Համապատասխան տարածքային ընտրական հանձնաժողովներ քվեարկության արդյունքների վերահաշվարկի կամ տեղամասում քվեարկության արդյունքներն անվավեր ճանաչելու մասին դիմումներ կարելի էր ներկայացնել մինչև այսօր՝ հոկտեմբերի 23-ը ժամը 11:00-ն: Սահմանված ժամկետում տարածքային ընտրական հանձնաժողովները նման դիմումներ, ինչպես նաև տեղամասային ընտրական հանձնաժողովների ընդունած որոշումների, գործողությունների կամ անգործության մասին բողոքներ չեն ստացել:
