31.05.2026 | 20:00
չԾխելու ՇԵՐՏԵՐԸ. ինչպես է շրջանցվում արդեն 6 տարի գործող օրենքը․ ՏԵՍԱՆՅՈւԹ
ՆԱՏՕ-ի թույլտվությունը ռուսական ԱԹՍ-ներ խոցելու համար կնշանակի պատերազմ Ռուսաստանի հետ․Մեդվեդև
Քաղաքականություն
15.09.2025 | 22:53
Ռուսաստանի Անվտանգության խորհրդի փոխնախագահ Դմիտրի Մեդվեդևը ՆԱՏՕ-ի երկրների կողմից ռուսական անօդաչու թռչող սարքերի ոչնչացման գաղափարը սադրիչ է անվանել։ Նրա կարծիքով՝ դա կնշանակի պատերազմ դաշինքի և Ռուսաստանի միջև, գրում է Կոմերսանտը։
Այս գաղափարը քննարկվում է Ուկրաինայում և այլ երկրներում: Մեդվեդևը նաև նշել է, որ առաջարկ է հնչել նաև ստեղծել ոչ թռիչքային գոտի Ուկրաինայի տարածքում։
ՌԴ Անվտանգության խորհրդի փոխնախագահը նաև մեկնաբանել է Եվրամիությունում ռուսական սառեցված ակտիվների բռնագրավման վերաբերյալ քննարկումները: Ըստ նրա՝ այս դեպքում Ռուսաստանը կհետապնդի ԵՄ երկրներին միջազգային և ազգային դատարաններում՝ «առանց նրանց դեմ հայցերը մարելու վաղեմության ժամկետով կամ ձեռքբերման վաղեմության ժամկետով, ինչպես նաև առանց միջազգային հանցագործությունների համար քրեական պատասխանատվության վաղեմության ժամկետի»։
ՆԱՏՕ-ի երկրները սկսել են ակտիվ միջոցներ ձեռնարկել դաշինքի արևելյան թևը ամրապնդելու համար սեպտեմբերի 10-ին Լեհաստանի օդային տարածք ռուսական ԱԹՍ-ների ներխուժումից հետո։ Լեհական իշխանությունները հայտնել էին առնվազն 19 անօդաչու թռչող սարքի մասին, որոնք խախտել են հանրապետության օդային տարածքը, որոնցից մի քանիսը ոչնչացվել են: Կարճ ժամանակ անց դաշինքի անդամները սկսել են «Արևելյան պահապան» գործողությունը՝ իրենց դիրքերը ուժեղացնելու համար:
Թարգմանությունը՝ Էմմա Չոբանյանի
