21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Նուբարաշենի աղբավայրում հրդեհ է բռնկվել
15.09.2025 | 17:16
Երևան քաղաքի Նուբարաշենի աղբավայրի կենցաղային աղբի թափման հատվածում հրդեհ է բռնկվել։ Ճգնաժամային կառավարման ազգային կենտրոնն ահազանգը ստացել է 11։42-ին։
«Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից հինգ մարտական հաշվարկ, հրդեհաշիջման և փրկարարական աշխատանքների կազմակերպման բաժնի հերթապահ խումբը»,- Factor.am-ին հայտնեց ՆԳ մամուլի խոսնակ Նարեկ Սարգսյանը։ Հրդեհը բռնկվել է մոտ 700 քմ տարածքում։
Հիշեցնենք, որ օգոստոսի 9-ին հրդեհ էր բռնկվել աղբավայրի՝ 3 հա տարածքում։ Քաղաքապետ Տիգրան Ավինյանն այսօր ասաց, որ նոր աղբավայր կառուցելն իրենց առաջնահերթություններից է։ Գործակարգավարական վերջին նիստին էլ հայտարարեց, որ այլևս ընդունելի չէ որևէ դանդաղում այդ հարցում։
«Այլևս սպասելու ժամանակ չունենք»,- ասել էր Ավինյանը մեկ շաբաթ առաջ։ Արփի Հակոբյան
