16.07.2026 | 13:27
Հակակոռուպցիոն 22 հանձնարարականներից Հայաստանը «բավարար չափով» կատարել է միայն 6-ը․ ԳՐԵԿՈ-ն նոր զեկույց է հրապարակել
Ռուս-բելառուսական զորավարժություններին հետևում են ՆԱՏՕ-ի անդամ մի քանի երկրի ներկայացուցիչներ
Քաղաքականություն
15.09.2025 | 18:26
23 երկրների, այդ թվում՝ ՆԱՏՕ-ի երեք երկրների՝ ԱՄՆ-ի, Թուրքիայի և Հունգարիայի ներկայացուցիչներ, հետևում են ռուս-բելառուսական համատեղ «Զապադ-2025 (Արևմուտք-2025)» զորավարժություններին։ Այս մասին լրագրողներին հայտնել են Բելառուսի պաշտպանության նախարարությունից, գրում է Ռիա Նովոստին։ Երկուշաբթի օրը Բորիսովսկիի զորավարժարանում անցկացվում է զորքերի գործնական գործողությունների հիմնական փուլերից մեկը։
«Այսօր 23 երկրների, այդ թվում՝ ՆԱՏՕ-ի երեք անդամ երկրների՝ ԱՄՆ-ի, Թուրքիայի, Հունգարիայի ներկայացուցիչներ մասնակցում են «Զապադ-2025» համատեղ ռազմավարական զորավարժությունների զորքերի գործնական գործողությունների դիտարկմանը », – հայտնել են Բելառուսի ՊՆ-ից։
Նշվում է, որ զորավարժարանում գտնվում են օտարերկրյա պետությունների 17 ռազմադիվանագիտական առաքելություններ (Ադրբեջան, Հունգարիա, Վիետնամ, Իրան, Ղազախստան, Չինաստան, Կուբա, Ռուսաստան, Սերբիա, ԱՄՆ, Սուդան, Թուրքմենստան, Թուրքիա, Զամբիա, Զիմբաբվե, Պերու, Ինդոնեզիա)։
Զորավարժություններն անցկացվում են սեպտեմբերի 12-ից 16-ը։ Ավելի վաղ ՀՀ ՊՆ մամուլի խոսնակ Արամ Թորոսյանը հայտնել էր, որ Հայաստանը չի մասնակցում զորավարժություններին։
Լեհաստանն ամբողջությամբ փակել է Բելառուսի հետ սահմանը զորավարժություններին ընդառաջ։
Թարգմանությունը՝ Էմմա Չոբանյանի
