14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Ինչո՞ւ է ձգձգվում Աջափնյակի մետրոյի կառուցումը. Ավինյանը պարզաբանում է․ ՏԵՍԱՆՅՈՒԹ
Տնտեսություն
15.09.2025 | 11:50
Երևանի քաղաքապետ Տիգրան Ավինյանն այսօրվա ասուլիսում անդրադաձավ Աջափնյակի մետրոյի կառուցման աշխատանքների ձգձգմանը։
«Ուզում եմ արձանագրենք, որ Աջափնյակի կայարանի նման նախագիծ իր բարդությամբ և, այսպես ասած, փորձաքննությունների պահանջներով ուղղակի վերջին 35 տարվա ընթացքում չենք ունեցել և հաջորդիվ մենք պլանավորում ենք իրականացնել եռափուլ մրցույթ։ Մեկը վերաբերելու է թունելի հատվածին՝ Բարեկամություն կայարանից մինչև կիրճ, մյուսը՝ կիրճի կամրջի հատվածը և վերջինը թունելի և կայարանի կառուցման աշխատանքներն են»,- մանրամասնեց Ավինյանը։
Անդրադառնալով մետրոյի Սուրմալու կայարանի կառուցմանը՝ Ավինյանն ասաց, որ դա, ամենայն հավանկանությամբ, համայնք-մասնավոր գործընկերությամբ է իրականացվելու։
««Սուրմալու» կայարանի ծրագիրն ունենք, աշխատում ենք տնտեսական հիմնավորվածության և կապիտալ ներդրումային ծրագրի վրա։ Ենթադրում ենք, որ նախագիծն իրականացնելու ենք համայնք-մասնավոր գործընկերության տրամաբանությամբ»,- նշեց քաղաքապետը։
Մանրամասները՝ տեսանյութում։
