13.01.2026 | 19:25
Ձնագնդիով խփելու շուրջ պատանիների վեճը վերածվել է դանակահարության
Հայ շախմատիստները շարունակում են ելույթները «Գրանդ Սվիս 2025»-ում
15.09.2025 | 10:03
Հայ շախմատիստները շարունակում են ելույթները ՖԻԴԵ-ի «Գրանդ Սվիս 2025» շախմատի մրցաշարում, որտեղ կայացել են նախավերջին տուրի պարտիաները:
«Արմենպրես»-ի հաղորդմամբ` Ուզբեկստանի Սամարղանդ քաղաքում ընթացող «Գրանդ Սվիս 2025» շախմատի մրցաշարի ավարտին մնացել է մեկ խաղափուլ:
Հայ շախմատիստների արդյունքները հետևյալն են․ 10 խաղափուլից հետո Շանթ Սարգսյանն ունի 6, Արամ Հակոբյանը՝ 5.5, Ռոբերտ Հովհաննիսյանը՝ 4.5, Գաբրիել Սարգսյանը՝ 4, Հայկ Մարտիրոսյանը՝ 4 միավոր:
Շանթ Սարգսյանը 15-րդ հորիզոնականում է և վերջին խաղափուլում կմրցի 2722 վարկանիշ ունեցող Ժավոխիր Սինդարովի հետ:
Վերջին խաղափուլից առաջ 7 միավորով մրցաշարի առաջատարներն են Մաթիաս Բլյուբաումը (Գերմանիա), Ալիռեզա Ֆիրուզջան (Ֆրանսիա), Անիշ Գիրին (Նիդեռլանդներ), Հանս Մոկե Նիմանը (ԱՄՆ) և Վինսենթ Կայմերը (Գերմանիա)։
Կանանց մրցաշարում Էլինա Դանիելյանն ունի 6 միավոր և վերջին խաղափուլից առաջ 9-րդ հորիզոնականում է: Լիլիթ Մկրտչյանն ունի 4 միավոր:
Կանանց մրցաշարի առաջատարներն են Եկատերինա Լահնոն (ՖԻԴԵ) և Վաիշալի Ռամեշբաբուն (Հնդկաստան), ովքեր ունեն 7.5 միավոր։
