28.09.2026 | 22:41
Մի շարք բնակավայրերում գազանջատումներ կլինեն
Մի քանի գետերի վրա կարգելվի փոքր ՀԷԿ-երի կառուցումը. Էրիկ Գրիգորյան․ ՏԵՍԱՆՅՈՒԹ
Քաղաքականություն
23.10.2018 | 16:22
ՀՀ Կառավարությունն առաջարկում է փոփոխություններ կատարել Ջրային օրենսգրքում, որով նախատեսվում է փոխել փոքր ՀԷԿ-երին տրվող ջրօգտագործման թույլտվություններն այն գետերի համար, որտեղ կան կա՛մ Կարմիր գրքում գրանցված ձկնատեսակներ, կա՛մ ջրառը կազմում է 40 տոկոս։
Ըստ առաջարկվող փոփոխությունների՝ ջրօգտագործման թույլտվություն չի տրվի նաև այն դեպքում, երբ նախատեսվող գործունեությունը կշրջանցի ջրաչափական դիտակետերը։
Այս մասին այսօր Ազգային ժողովում Ջրային օրենսգրքում փոփոխություններ կատարելու վերաբերյալ նախագծի զեկուցման ժամանակ ասաց Էներգետիկայի և բնական պաշարների նախարարի ժամանակավոր պաշտոնակատար Էրիկ Գրիգորյանը։
ԱԺ փոխնախագահ Միքայել Մելքումյանը նախարարի պաշտոնակատարից հետաքրքրվեց՝ արդյո՞ք այս սահմանափակումները կտարածվի այն ընկերությունների կամ ԱՁ-ների վրա, որոնք արդեն իսկ ստացել են թույլտվություն, սակայն ՀԷԿ-երը դեռևս չեն շահագործում։
Հարցին ի պատասխան Էրիկ Գրիգորյանը նկատեց․ «Օրենսդրական կարգավորումը վերաբերում է ջրօգտագործման թուլտվությունը մերժելու հիմքերին, ուստի արդեն տրված թույտվությունների վրա այս կարգավորումը չի տարածվում»։
Մանրամասները՝ տեսանյութում։
