Հասարակություն
14.09.2025 | 10:54
2025 թվականի սեպտեմբերի 13-ին տեղի է ունեցել Փաստաբանների պալատի ընդհանուր ժողով՝ հետևյալ օրակարգային հարցերով.
– ՀՀ փաստաբանների պալատի նախագահի ընտրություն
– ՀՀ փաստաբանների պալատի կանոնադրության մեջ փոփոխություններ և լրացումներ կատարելու մասին:
Պալատից հայտնում են, որ ընդհանուր ժողովին մասնակցել է 1411 փաստաբան:
Քվեարկության արդյունքում Սիմոն Բաբայանը վերընտրվել է փաստաբանների պալատի նախագահի պաշտոնում:
Սիմոն Բաբայանի թեկնածությանը կողմ է քվեարկել 1383 փաստաբան՝ քվեարկությանը մասնակցած փաստաբանների 98%-ը:
Միաժամանակ Փաստաբանների պալատի կանոնադրության մեջ կատարվել են փոփոխություններ:
Փաստաբանների պալատի կանոնադրության մեջ փոփոխություններ և լրացումներ կատարելու մասին հարցին կողմ է քվեարկել 1354 փաստաբան:
«Հարգելի գործընկերներ,
Շնորհակալ եմ Ընդհանուր ժողովին մասնակցության և վստահության համար: Գործընկերներիս կողմից տրված յուրաքանչյուր քվեն պարտավորեցնող է:
ՀՀ փաստաբանական ինստիտուտը կրկին ապացուցեց, որ անկախ է ու ինքնակառավարվող: Ուստի` գնալու ենք առաջ, շարունակելով զարգանալ և պահպանել այն ձեռքբերումները, որոնց հասել ենք միասին»,-գրել է Բաբայանը ֆեյսբուքյան իր էջում:
