17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
Վահե Գրիգորյանը ՍԴ դատավոր չընտրվեց
Քաղաքականություն
23.10.2018 | 14:32
ՀՀ Ազգային ժողովի այսօրվա՝ հոկտեմբերի 23-ի հերթական նիստում տեղի ունեցած քվեարկության արդյունքներով իրավաբան Վահե Գրիգորյանը չընտրվեց Սահմանադրական դատարանի դատավորի պաշտոնում։
ԱԺ-ում կայացած քվեարկությանը մասնակցել է ընդամենը 53 պատգամավոր, մինչդեռ ՍԴ անդամի ընտրության համար անհրաժեշտ է 63 կողմ քվե:
ԱԺ Հաշվիչ հանձնաժողովի նախագահ Գագիկ Մելիքյանի տվյալներով՝ քվեարկությանը ՍԴ դատավորի թափուր պաշտոնի համար առաջադրված Վահե Գրիգորյանի օգտին կողմ է քվեարկել 30, դեմ՝ 23 պատգամավոր։
Նշենք, որ Ազգային ժողովում ՍԴ անդամի ընտրությունը տապալվում է արդեն երրորդ անգամ: Ավելի վաղ այդ պաշտոնում առաջադրվել էին Ելիզավետա Դանիելյանի եւ Էմիլ Բաբայանի թեկնածությունները, որոնք չէին ընտրվել:
