29.04.2026 | 09:07
Հայաստանն ու Վրաստանը կհյուրընկալեն ֆուտբոլի աշխարհի երիտասարդական առաջնությունը
Բաքվի դատարանում Արցախի ղեկավարների շինծու գործերով նիստում կրկին փաստաթղթեր են ներկայացվել
Քաղաքականություն
12.09.2025 | 20:42
Բաքվի զինվորական դատարանում ընթանում է Արցախի ղեկավարների, տարբեր պաշտոնյաների նկատմամբ հարուցված շինծու գործերով դատական նիստը դատավոր Զեյնալ Աղաևի նախագահությամբ։
Ադրբեջանական լրատվամիջոցների հաղորդմամ` դատարանում շարունակվել է փաստաթղթերի հրապարակումը։ Հրապարակված փաստաթղթերից մեկը վերաբերվել է, իբր, «1991 թվականի հունվարի 12-ին Մարտունի-Գարադաղլի ճանապարհով երթևեկող ավտոբուսի վրա հարձակմանը» : Նշվում է, թե Մարտունի-Քիշ-Գարադաղլի ճանապարհի 6-րդ կիլոմետրում «հայերը տարբեր տրամաչափի հրազենից կրակ են բացել Խոջավենդի Ռագիմով Քամալ Բախիշ օղլուի վարած ավտոբուսի վրա, որում եղել են տեղի 25-30 բնակիչներ»:
Մեկ այլ փաստաթուղթ էլ կապված է Նազարովա Նարիմանի սպանության փաստի հետ, որը «1991 թվականի հունվարի 28-ին Մարտունու շրջանում սպանվել է հրազենից»։
Հիշեցնենք, որ երեկվա նիստում ևս փաստաթղթեր են ուսումնասիրվել։
Թարգմանությունը Էմմա Չոբանյանի
