19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
«Հիդրոմետ»-ը սխալ կանխատեսում է արել, պատասխանատվության կենթարկվի՞. Բադալյանը՝ Խուդաթյանին․ ՏԵՍԱՆՅՈՒԹ
Տեսանյութեր
12.09.2025 | 17:19
«Իմ տեղեկություններով մայիսին «Ջրառ» ՓԲԸ-ն դիմել է կառավարությանը, որ իր հաշվարկով այս տարի գյուղացիական տնտեսություններին ոռոգում կատարելու համար անհրաժեշտ կլինի 209 մլն խորանարդ մետր ջուր։ Կառավարությունը մերժել է «Ջրառ»-ի այդ դիմումը՝ հիմնվելով «Հիդրոօդերևութաբանության և մոնիթորինգի կենտրոն»-ի կանխատեսումների վրա` ասելով, որ անհրաժեշտ կլինի 130 մլն խորանարդ մետր ջուր: Օգոստոսին պարզ է դարձել, որ 130 մլն-ը բավարար չէ, և հիմա դիմում եք լրացուցիչ ջուր վերցնելու։ Եթե «Ջրառ»-ը կանխատեսել է՝ որքան ջուր է պետք, իսկ «Հիդրոմետ»-ը սխալ կանխատեսում է արել, այդ դեպքում պատասխանատվության չի՞ ենթարկվելու»,- դիմելով ՏԿԵ նախարար Դավիթ Խուդաթյանին՝ հարցրեց ՔՊ պատգամավոր Լուսինե Բադալյանը։
Նշենք, որ ԱԺ արտահերթ նիտում քննարկվում է Սևանից լրացուցիչ ջրառ կատարելու մասին հարցը։ ՏԿԵ նախարար Դավիթ Խուդաթյանը տեղեկացրել է, որ գյուղացիական տնտեսություններին ոռոգման ջրով ապահովելու համար անհրաժեշտություն է առաջացել Սևանա լճից նախատեսված 170 մլն խորանարդ մետրի փոխարեն ջրառն ավելացնել 30 մլն խորանարդ մետրով՝ այսպիսով 200 մլն խորանարդ մետր ջրառ իրականացնել, ինչը հնարավորություն կտա՝ մեղմելու գյուղացիական տնտեսությունների ոռոգման ջրի պահանջի դեֆիցիտը։
Մանրամասները՝ տեսանյութում։
Մանյա Պողոսյան
