04.10.2026 | 11:56
Պատգամավորները հանդիպել են Շաքիում ադրբեջանցու կրակոցից վիրավորում ստացած կնոջը և նրա երեխաներին
Վերականգնվել է պետությանը պատճառված վնասից 80 միլիոն դրամ վնասը
Հասարակություն
12.09.2025 | 13:00
2023-2024 թվականների ընթացքում 4 անհատ ձեռնարկատեր և ՍՊ ընկերության ղեկավարը հարկային մարմին ներկայացված հարկային հաշվարկներում ներառել են խեղաթյուրված տվյալներ։
ՀՀ գլխավոր դատախազության հաղորդագրությունը ստորև․
«Փաստական տվյալներ են ձեռք բերվել այն մասին, որ մանրամեծածախ առևտրի գործունեությամբ զբաղվող չորս անհատ ձեռնարկատերերի և ՍՊ ընկերության փաստացի ղեկավարը, գործելով խմբի կազմում, առանձնապես խոշոր չափերով հարկեր չվճարելու նպատակով՝ 2023-2024 թվականների ընթացքում թաքցրել է նշված անհատ ձեռնարկատերերի և ՍՊ ընկերության հարկման օբյեկտը և հարկային մարմին ներկայացված հարկային հաշվարկներում ներառել է խեղաթյուրված տվյալներ։
«Հաշվի առնելով, որ քրեական վարույթում առկա են եղել հանցանքի կատարումը վկայող բավարար փաստեր՝ 2025 թվականի մարտի 25-ին դատախազի կողմից որոշում է կայացվել անհատ ձեռնարկատերերի և ՍՊ ընկերության փաստացի ղեկավարի նկատմամբ հարուցել հանրային քրեական հետապնդում՝ Քրեական օրենսգրքի 290-րդ հոդվածի 3-րդ մասի 1-ին և 2-րդ կետերով (մի խումբ անձանց կողմից նախնական համաձայնությամբ առանձնապես խոշոր չափերով հարկեր չվճարելը)»,- նշված է Գլխավոր դատախազության տարածած հաղորդագրության մեջ:
2025 թվականի սեպտեմբերի 10-ին դատախազական ներգործության արդյունքում վերականգնվել է պետությանը պատճառված վնասից 80 միլիոն դրամ վնասը:
Նախաքննությունն ընթացքի մեջ է»:
