16.07.2026 | 13:27
Հակակոռուպցիոն 22 հանձնարարականներից Հայաստանը «բավարար չափով» կատարել է միայն 6-ը․ ԳՐԵԿՈ-ն նոր զեկույց է հրապարակել
Ռուսական զորքերը զանգվածային հարված են հասցրել Սումիին․ կան զոհեր ու վիրավորեր
Քաղաքականություն
12.09.2025 | 15:23
Ռուսական զորքերը զանգվածային հարված են հասցրել Սումիին, որի հետևանքով զոհվել է երեք մարդ, վիրավորվել՝ հինգը, փոխանցում է Current time-ը։
Մոտավորապես ժամը 6:00-ին ռուսական զորքերը երկու անօդաչու թռչող սարքով հարված են հասցրել Սումի քաղաքի արդյունաբերական գոտուն։ Զոհվել է ձեռնարկության անվտանգության 65-ամյա աշխատակիցը։
Կես ժամ անց ռուսական բանակը երեք հրթիռ է արձակել Սումի համայնքի Բիտիցկիի բնակելի հատվածի վրա։ Զոհվել է երկու տղամարդ, որոնցից մեկը 67 տարեկան էր, մյուսի ինքնությունը պարզվում է։ Առնվազն հինգ մարդ վիրավորվել է։ Այս մասին հայտնել է Սումիի մարզային դատախազությունը։ Ավելի քան 10 տուն վնասվել կամ ավերվել է։
Ուկրաինայի ռազմաօդային ուժերի տվյալներով՝ լույս սեպտեմբերի 12-ի գիշերը ռուսական զորքերը Ուկրաինայի ուղղությամբ 40 անօդաչու թռչող սարք են արձակել։ Առավոտյան ժամը 9:00-ի դրությամբ դրանցից 33-ը խոցվել է։
Թարգմանությունը՝ Էմմա Չոբանյանի
