11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Եկեք մեր տուն և մամայիս համոզեք, որ խաղաղությունը եկել է․ Մանուկյանը՝ ՔՊ պատգամավորներին․ ՏԵՍԱՆՅՈՒԹ
Քաղաքականություն
12.09.2025 | 12:46
«Եկեք մեր տուն, մորս համոզեք, որ խաղաղությունը եկել է»,- այս մասին ասաց «Հայաստան» խմբակցության պատգամավոր Գեղամ Մանուկյանը՝ ԱԺ ամբիոնից դիմելով ՔՊ պատգամավորներին և ցույց տալով իր մայրիկի նկարը․
«Սա մայրիկիս լուսանկարն է՝ արված 2022 թվականի դեկտեմբերի 12-ին, իր ծննդյան օրն էր, պատշգամբում երբ նստած էր՝ պատահաբար այս պատկերը հեռախոսով նկարեցի, մի քանի ժամ հետո լուրն եկավ, որ Արցախը հայտնվել է շրջափակման մեջ և մորս այս կարոտով հայացքը մինչև հիմա շարունակվում է։ Խնդրում եմ, որևէ մեկդ եկեք մեր տուն, ու մամայիս համոզեք, որ խաղաղությունը եկել է, խնդրում եմ գնացեք Ներքին Հանդ և իր հարազատին գյուղի գերեզմանում հուղարկավորություն անել չկարողացող գյուղացուն համոզեք, որ խաղաղությունը եկել է, գնացեք Գեղարքունիք՝ Վարդենիս, հանդամասեր չունեցողներին ասեք, որ խաղաղությունն եկել է»,- ասաց ընդդիմադիր պատգամավորը։
Մանրամասները՝ տեսանյութում։
Մանյա Պողոսյան
