03.11.2026 | 18:05
RSF-ը Բիձինա Իվանիշվիլիին և Իլհամ Ալիևին ներառել է «մամուլի ազատության գիշատիչների» ցանկում
Իսրայելը նախքան Կատարին հարվածել նման գործողություն է մտադիր եղել իրականացնել Թուրքիայում
Քաղաքականություն
11.09.2025 | 22:56
Լիբանանյան Al-Akhbar թերթը, հղում անելով եգիպտական աղբյուրներին, հաղորդում է, որ Իսրայելը հարվածել է Կատարում գտնվող ՀԱՄԱՍ-ի շտաբ-բնակարանին՝ Թուրքիայում գործողություն չանցկացնելու որոշումից հետո, որտեղ ևս բնակվում են ՀԱՄԱՍ-ի բազմաթիվ առաջնորդներ, գրում է The Time of Israel-ը։
Աղբյուրների համաձայն`Իսրայելի վարչապետ Բենիամին Նեթանյահուի կառավարությունը որոշել է գործել Կատարի հարցում՝ հավատալով, որ ԱՄՆ նախագահ Դոնալդ Թրամփի վարչակազմը կարող է կարգավորել Կատարի հետ կապված խնդիրը, ի տարբերություն Թուրքիայի` ՆԱՏՕ-ին անդամակցության պատճառով։
Չեն նշվում Թուրքիայում նախատեսված գործողության ժամկետները։
Հիշեցնենք , որ ավելի վաղ էլ The Wall Street Journal-ը հաղորդել էր, որ Թուրքիան և Եգիպտոսը զգուշացրել են ՀԱՄԱՍ-ի առաջնորդներին խստացնել անվտանգությունը Դոհայում Իսրայելի կողմից օդային հարվածից մի քանի շաբաթ առաջ իրենց հանդիպումների ժամանակ։
Թարգմանությունը` Էմմա Չոբանյանի
