04.10.2026 | 11:33
Հոկտեմբերի 4-ին Երևանի մի շարք հասցեներում ջրամատակարարումը ժամանակավորապես կդադարեցվի
Ռուսերենով ուսուցումը լիովին վերացնելու հարցը օրակարգում չէ․ Ադրբեջանի կրթության նախարար
Քաղաքականություն
11.09.2025 | 23:14
Ադրբեջանում ռուսալեզու կրթության վերացման հարցը օրակարգում չէ, Այս մասին այսօր նոր ուսումնական տարվան նվիրված ճեպազրույցի ժամանակ հայտարարել է Ադրբեջանի գիտության և կրթության նախարար Էմին Ամրուլլաևը, գրում են ադրբեջանական լրատվամիջոցները։
Նախարարը նշել է, որ Ադրբեջանում «ռուսալեզու դպրոցների» հասկացություն գոյություն չունի. կան ադրբեջանական դպրոցներ, որտեղ դասավանդում են նաև ռուսերենով։
«Հիմնական խնդիրը ռուսական հատվածի համար ուսուցիչների պակասն է։ Հետևաբար, ռուսերենով դասավանդվող դասարանների թիվը կարող է նվազել։ Սակայն ռուսերենով ուսուցումը լիովին վերացնելու հարցը օրակարգում չէ», – ասել է ադրբեջանցի նախարարը։
Հիշեցնենք, որ Բաքվի և Մոսկվայի միջև հարաբերությունների լարվածության ֆոնին, ավելի վաղ Ադրբեջանում տեղեկություններ էին շրջանառվել, որ ռուսալեզու դպրոցները փակվելու են։
Թարգմանությունը՝ Էմմա Չոբանյանի
