09.06.2026 | 00:17
Մարկո Ռուբիոն շնորհավորել է Փաշինյանին
Որակյալ դատավորներին հանենք, տեղն ո՞ւմ բերենք, ի՞նչ անենք․ Գևորգ Պետրոսյան․ ՏԵՍԱՆՅՈՒԹ
Քաղաքականություն
23.10.2018 | 12:19
Ազգային ժողովում այսօր քննարկվում է Սահմանադրական դատարանի դատավորի թեկնածուի ընտրության հարցը։
ԱԺ «Ծառուկյան» խմբակցության պատգամավոր Գևորգ Պետրոսյանը ՍԴ դատավորի թեկնածու Վահե Գրիգորյանին խնդրեց պարզ և հանգամանալից բացատրել, թե ինչ է անցումային արդարադատությունը և հստակեցնել՝ արդյոք այն ենթադրում է արտակարգ դատարանների ստեղծում։
«Ի՞նչ է սա, արդյոք Ձեր ելույթում այդ հատվածը ներառել եք ընդամենը վերջին շրջանում տիրող տրամադրություններին համահունչ ելույթ ունենալու համար, թե՞ Դուք կարծում եք, որ ՀՀ-ում կա այնպիսի իրավիճակ, որ ուղղակի անխուսափելի է անցումային արդարադատությունը։ Ես երբեք առիթը բաց չեմ թողել օրինատյաց դատավորների մասին այս ամբիոնից բարձրաձայնելու, բայց նաև չեմ կիսում այն կարծիքը, որ ՀՀ-ում արդարադատության համակարգը պարալիզացված է, և մենք այլ տարբերակ չունենք, քան ընտրել անցումային արդարադատության ուղին։ Եկեք հարգենք մեր արդարադատության համակարգի նվիրյալ դատավորներին, որոնք առավոտյան 9-ից մինչև կեսգիշեր դատավճիռ են գրում։ Հիմա ի՞նչ անենք, էդ որակյալ կազմը հանենք, ո՞ւմ բերենք»,- իր մտահոգությունները հայտնեց պատգամավորը։
Վերջնիս խնդրեց Սահմանադրական դատավորի թեկնածու Վահե Գրիգորյանին իր հաջորդիվ ելույթում անդրադառնալ իր բարձրաձայնած խնդրին։
Մանրամասները՝ տեսանութում:
