12.09.2026 | 10:04
ՀՀ տարածքում ավտոճանապարհներն անցանելի են
Դուք կաշկանդված եք Փաշինյանի սպառնալիքներով. դատավորին ինքնաբացարկ ներկայացվեց․ ՏԵՍԱՆՅՈՒԹ
Հասարակություն
10.09.2025 | 17:50
Երևանի ընդհանուր իրավասության դատարանում Կարեն Ֆարխոյանի նախագահությամբ շարունակվում է «Սրբազան պայքար» շարժման առաջնորդ Բագրատ արքեպիսկոպոս Գալստանյանի և 17 անձանց վերաբերյալ քրեական գործի քննությունը։
Նիստի ընթացքում պաշտպանական կողմը դատավոր Ֆարխոյանն ինքնաբացարկի միջնորդություն ներկայացրեց, հիմքում նշելով մի շարք հանգամանքներ։ Մասնավորապես, որ դատարանն առանց ամբաստանյալի ներկայությամբ նրա խափանման միջոցն էր քննել և կալանքը երկարացրել, բացի դրանից պաշտպանը շեշտեց, որ դատարանը կաշկանդված է վարչապետ Նիկոլ Փաշինյանի՝ «Ով կարա իմ ասածը չանի» արտահայտությունկց, որն ուղղված էր դատավորներին։
Մյուս պաշտպանները միացան միջնորդությանը։ Բագրատ Գալստանյանի պաշտպան Հովհաննես Խուդոյանը հավելեց, որ դատավոր Ֆարխոյանը, երբ դատարանում կարդում էր իր պաշտպանյալի խափանման միջոցի մասով որոշման եզրափակիչ մասը, ամբողջությամբ չի հրապարակել այն։ Մասնավորապես, Խուդոյանի խոսքով՝ միայն գրավոր տարբերակը ստանալուց հետո են տեսել, որ Գալստանյանի մասով առկա էր նաև սահմանափակումներ։
Հանրային մեղադրողներն առարկեցին միջնորդության դեմ։ Դատարանը, լսելով կողմերին, որոշում կայացրեց մերժել այն, նշելով, որ որևէ անձ կամ այլ բան չի կարող իրեն կաշկանդել։
Մանրամասները՝ տեսանյութում։
