11.03.2026 | 20:39
Ստրասբուրգում՝ Եվրոպական խորհրդարանի շենքի հարակից տարածքում բացվել է Հայոց այբուբենի հուշարձանը
Բելգորոդում առևտրի կենտրոնները փակ են ուկրաինական ԱԹՍ-ների հարձակումների ֆոնին
Քաղաքականություն
10.09.2025 | 16:47
Բելգորոդի մարզի նահանգապետ Վյաչեսլավ Գլադկովը հայտնել է, որ Բելգորոդ քաղաքի և շրջանի խոշոր առևտրի կենտրոնները փակ կլինեն մինչև սեպտեմբերի 10-ի օրվա վերջը։ Այս որոշումը կայացվել է ուկրաինական անօդաչու թռչող սարքերի կողմից քաղաքի վրա զանգվածային հարձակման պատճառով։
Կասեցվել է նաև սրճարանների և ռեստորանների ամառային գոտիների աշխատանքը, գրում է Meduza-ն։
Բացի այդ՝ սեպտեմբերի 10-ին համալսարանների, քոլեջների և դպրոցների երկրորդ հերթափոխը չեղարկվում է, իսկ սեպտեմբերի 11-ին և 12-ին բոլոր ուսումնական հաստատություններն անցնում են հեռավար աշխատանքի։
«Մանկապարտեզներն անպայման կաշխատեն, բայց եթե հնարավոր լինի, երեխաներին տանն ենք թողնում, քանի որ դուրս գալը անվտանգ չէ: Եթե դա հնարավոր չէ աշխատանքի պատճառով, ապա մանկապարտեզները կաշխատեն: Մի՛ անհանգստացեք», – ասել է Գլադկովը։
Սեպտեմբերի 10-ի առավոտյան Գլադկովը հայտնել էր, որ Բելգորոդի մարզի կառավարության շենքը հարձակման է ենթարկվել անօդաչու թռչող սարքերի կողմից: Վնասվել են շենքի ճակատային մասը և պատուհանները: Խոցված ԱԹՍ-ի բեկորների անկման հետևանքով մասնավոր տուն է հրդեհվել։ Անօդաչու թռչող սարքի պայթյունի հետևանքով 16-ամյա մի աղջիկ վնասվածք է ստացել: Եվս մեկ անձ ոտքի շրջանում բեկորային վնասվածք է ստացել։ Վնասվել են սոցիալական և առևտրային օբյեկտներ։
Թարգմանությունը՝ Էմմա Չոբանյանի
