13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Անկախ ծառայողական քննությունից՝ խոշտամգման հատկանիշների դեպքում պետք է իրականացվի քրեական վարույթ. ՄԻՊ-ի պաշտպանի պարզաբանումը
Հասարակություն
23.10.2018 | 11:49
Վերջին օրերի ընթացքում խոշտանգման կամ այլ տեսակի վատ վերաբերունքի մասին հրապարակված տեղեկությունների առնչությամբ Մարդու իրավունքների պաշտպանն անհրաժեշտ է համարում պարզաբանել, որ դրանց ստուգման պատշաճ ձևը քրեական վարույթն է: Ծառայողական քննությունը պետության կողմից այդ արարքների մասին տեղեկություններին բավարար արձագանք չէ:
Եթե համապատասխան մարմնում (Ոստիկանություն, Քրեակատարողական ծառայություն և այլն) այդ առթիվ իրականացվում է ծառայողական քննություն, այն չի կարող որևէ պարագայում փոխարինել քրեական հետապնդմանը: Այլ կերպ՝ քրեական վարույթ պետք է իրականացվի ցանկացած պարագայում՝ անկախ նրանից ծառայողական քննություն նախաձեռնված է, թե՝ ոչ: Ընդ որում, Խոշտանգումների կանխարգելման եվրոպական կոմիտեի չափանիշների համաձայն՝ խոշտանգման առերևույթ հատկանիշներ պարունակող տեղեկությունները առաջնային հասցեատերը դատախազությունն է, որը պետք է ապահովի քրեական վարույթի նախաձեռնումն ու հսկողությունը քննչական մարմնի կողմից իրականացվող վարույթի օրինականության նկատմամբ:
Խոշտանգման կամ բռնության հատկանիշներ պարունակող վերջին մի շարք հրապարակային տեղեկությունների հիման վրա Մարդու իրավունքների պաշտպանի աշխատակազմում սեփական նախաձեռնությամբ սկսվել են քննարկման ընթացակարգեր: Համապատասխան գրություններ են հասցեագրվել քրեական հետապնդման մարմիններին, պահանջվել են ձեռնակված քայլերի վերաբերյալ պարզաբանումներ:
