19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
«Ազատ Վաշինգտոն, Ազատ Պաղեստին»․ բողոքի ակցիա՝ ռեստորանում ընթրելու գնացած Թրամփի դեմ․ ՏԵՍԱՆՅՈՒԹ
Քաղաքականություն
10.09.2025 | 17:29
Սոցիալական ցանցերում տարածված տեսանյութերը պատկերում են այն պահը, երբ ցուցարարները երեքշաբթի օրը Վաշինգտոնի ռեստորանում սկսել են վանկարկումներ անել ԱՄՆ նախագահ Դոնալդ Թրամփի հասցեին՝ բացականչելով. «Ազատ Վաշինգտոն, Ազատ Պաղեստին, Թրամփը մեր ժամանակների Հիտլերն է», գրում է AFP-ը։
Թրամփը մոտեցել է ցուցարարներին՝ մի քանի րոպե կանգ առնելով նրանցից մի քանի ոտնաչափ հեռավորության վրա, գլխով անելով և հանգիստ ժպտալով՝ առանց որևէ պատասխան տալու։ Վայրկյաններ անց Թրամփը ժեստ է արել՝ ասելով. «Եկեք, գնանք», որից հետո անվտանգության ծառայողները հեռացրել են Պաղեստինի դրոշներով ցուցարարներին։
Հանրային վայրերում Թրամփը հազվադեպ է ընթրում, սակայն մամուլի քարտուղար Քարոլայն Լիվիթը հաստատել է, որ ինքը «և իր թիմը վայելել են ծովախեցգետին, աղցան, սթեյք և աղանդեր» Սպիտակ տնից մի քանի թաղամաս հեռավորության վրա գտնվող ռեստորանում ընթրիքի ժամանակ։
Թրամփին միացել են փոխնախագահ Ջեյ Դի Վենսը, պաշտպանության նախարար Փիթ Հեգսեթը, պետքարտուղար Մարկո Ռուբիոն, աշխատակազմի ղեկավարի տեղակալ Սթիվեն Միլլերը, Լիվիթը և ուրիշներ։
Մի տեսանյութում Վենսը սեղմում է հաճախորդների ձեռքը և ասում, որ վայելեն իրենց ուտելիքը։
Մինչ ճաշը Թրամփը մամուլին ասել է, որ Վաշինգտոնում «ռեստորանները հիմա ծաղկում են ապրում»։ Լրագրողները հաղորդել են, որ փողոցի մյուս կողմում գտնվող մարդիկ Թրամփին դիմավորել են բարձր ծափահարություններով և սուլոցներով։
Թարգմանությունը՝ Էմմա Չոբանյանի
