14.07.2026 | 23:29
Հանրապետության որոշ հասցեներում էլեկտրամատակարարումը կդադարեցվի
Մեկ օրում բացահայտվել է 133 հանցագործություն․ ՆԳՆ
Հասարակություն
10.09.2025 | 13:41
ՆԳՆ ոստիկանության փոխանցմամբ՝ մեկ օրում բացահայտվել է 133 հանցագործություն, որոնցից 6-ը՝ նախկինում կատարված:
Մասնավորապես՝
☑️38 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
☑️13 դեպք՝ մարմնական վնասվածք պատճառելու,
☑️9 դեպք՝ հոգեկան ներգործության,
☑️8 դեպք՝ ֆիզիկական ներգործության,
☑️7 դեպք՝ անձնական ունեցվածքի գողության,
☑️6-ական դեպք՝ խարդախության, թմրանյութի հայտնաբերման, թմրանյութի իրացման,
☑️3-ական դեպք՝ շորթման, զենք-զինամթերքի առգրավման,
☑️2-ական դեպք՝ ապօրինի ձեռնարկատիրական գործունեության, գույքը ոչնչացնելու կամ վնասելու, խուլիգանության։
Բացահայտվել են նաև բնակարանային գողության, կաշառակերության, հետամտելու, մշակութային արժեքների մաքսանենգության, սառը զենքի հայտնաբերման, թմրամիջոցներ պարունակող բույսեր ցանելու կամ աճեցնելու, աշխատանքի պաշտպանության կանոնները խախտելու և այլ դեպքեր։
Նախկինում կատարված հանցագործություններից բացահայտվել է՝
☑️5 դեպք՝ անձնական ունեցվածքի գողության,
☑️1 դեպք՝ մարմնական վնասվածք պատճառելու։
Հայտնաբերվել է 10 հետախուզվող, կամավոր ներկայացել՝ 5-ը։
Գրանցվել է զենք-զինամթերք կամավոր հանձնելու 16 դեպք։
Անցած 1 օրում գրանցվել է 18 ավտովթար․ 25 մարդ ստացել է տարբեր աստիճանի մարմնական վնասվածքներ։
`
