19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Բաքվի դատարանում, Ռուբեն Վարդանյանի շինծու գործով նիստին «տուժողներն» են ցուցմունք տվել
Հասարակություն
10.09.2025 | 11:13
Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով հերթական դատական նիստն է տեղի ունեցել Բաքվի զինվորական դատարանում։
Նիստը նախագահող դատավոր Զեյնալ Աղաևը դատավարությանը առաջին անգամ մասնակցող «տուժողներին» և նրանց իրավահաջոդներին ներկայացրել է դատարանի կազմը, պետական մեղադրանքը պաշտպանող դատախազներին, թարգմանիչներին և այլ մասնակիցներին, բացատրել նրանց օրենքով սահմանված իրավունքներն ու պարտականությունները․ գրում են ադրբեջանական լրատվամիջոցները։
Այնուհետև դատարանը լսել է, այսպես կոչված, «տուժողների» և նրանց իրավահաջորդների ցուցմունքները։
Օրինակ, «տուժող» Գորխմազ Իսկենդերովի իրավահաջորդը՝ նրա հայրը՝ Իսկենդեր Իսկենդերովը, իր ցուցմունքում նշել է, թե իր որդին զոհվել է Քարվաճառում՝ հակառակորդի կողմից իրականացված դիվերսիայի հետևանքով։ Այսպես, տարբեր «տուժողներ» են ցուցմունքներ տվել։
Հաջորդ դատական նիստը նշանակվել է սեպտեմբերի 16-ին։
Թարգմանությունը՝ Էմմա Չոբանյանի
