20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
2:1. Հայաստանի հավաքականը հաղթեց Իռլանդիային
09.09.2025 | 22:00
Հայաստանի ֆուտբոլի ազգային հավաքականն իր առաջին հաղթանակը տարավ Աշխարհի առաջնության որակավորման փուլում։ Հայաստանի հավաքականը եվրոպական գոտու որակավորման փուլի F խմբի առաջին խաղում Պորտուգալիայից կրած 0-5 հաշվով պարտությունից հետո սեփական հարկի տակ ընդունել էր Իռլանդիայի ընտրանուն։
Խաղի հաշիվը բացվեց առաջին խաղակեսի վերջնամասում․ 11 մետրանոց հարվածը հաջող իրացրեց Էդուարդ Սպերցյանը։ Երկրորդ խաղակեսի սկզբնամասում հաշիվը դարձավ 2-0․ 51-րդ րոպեին Նաիր Տիկնիզյանի փոխանցումից հետո աչքի ընկավ Հայաստանի ազգային հավաքականի հարձակվող Հրանտ-Լեոն Ռանոսը։ Քիչ անց Իռլանդիայի հավաքականը մեկ գնդակ ուղարկեց Հայաստանի հավաքականի դարպասը՝ հաշիվը դարձնելով 2:1։
89-րդ րոպեին Արթուր Սերոբյանը երրորդ գնդակն ուղարկեց հակառակորդի դարպասը, սակայն մրցավարները որոշեցին չեղարկել գոլը՝ խաղից դուրս վիճակ արձանագրելով նախորդած դրվագում։ Խաղն ավարտվեց Հայաստանի հավաքականի հաղթանակով՝ 2:1 հաշվով։
